बुलढाणा
*डॉ. बाबासाहेब आंबेडकर सार्वजनिक जयंती उत्सव समितीच्या अध्यक्षपदी पत्रकार निलेश राऊत यांची निवड…*
डॉ. बाबासाहेब आंबेडकर सार्वजनिक जयंती उत्सव समिती बुलढाणा २०२५च्या अध्यक्षपदी पत्रकार निलेश राऊत यांची सर्वानुमते निवड करण्यात आली आहे.
समितीची नवीन कार्यकारीणी गठीत करण्यासाठी २६ फेब्रुवारी रोजी स्थानिक विश्राम भवन प्रांगणात बैठक आयोजित करण्यात आली होती. यावेळी २०२४चे अध्यक्ष राहुल कासारे यांनी निलेश राऊत यांना पदभार सोपवला. या वेळी शहर आणि सुंदरखेड परिसरातील आंबेडकरी चळवळीतील नेते, पदाधिकारी, कार्यकर्ते आणि नागरिक मोठ्या संख्येने उपस्थित होते. बैठकीचे संचलन २०२४चे सचिव विनोद इंगळे यांनी केले, तर आभार प्रदर्शन अमोल खरे यांनी केले.
यावर्षी १४ एप्रिल रोजी डॉ. बाबासाहेब आंबेडकर यांच्या १४४व्या जयंती उत्सवाची तयारी सुरू करण्यासाठी ही बैठक बोलावण्यात आली होती. या वेळी दिलीपभाऊ जाधव, गजानन सुरडकर, दिलीप भोजराज, आशिषबाबा खरात, कुणाल पैठणकर, बाळाभाऊ राऊत, वैशालीताई ठाकरे, पत्रकार संजय जाधव, दीपक मोरे, सुनिल मोरे आदी उपस्थित होते. तसेच छत्रपती शिवाजी महाराज सार्वजनिक उत्सव समितीचे अध्यक्ष राजेंद्र काळे आणि मोठ्या संख्येने बौद्ध उपासक व उपासिका यावेळी उपस्थित होते.
विशेष म्हणजे, २०२५ हे वर्ष सार्वजनिक जयंती उत्सव समितीचे रौप्य महोत्सवी वर्ष आहे. तसेच, बुलढाणा शहरातील तिन्ही मोठ्या जयंती उत्सव समित्यांचे अध्यक्ष पत्रकार असणार आहेत. छत्रपती शिवाजी महाराज सार्वजनिक उत्सव समितीचे अध्यक्ष राजेंद्र काळे, महात्मा फुले सार्वजनिक उत्सव समितीचे अध्यक्ष लक्ष्मीकांत बगाडे , पत्रकार संजय जाधव, सुनील मोरे, उपस्थित होते….