बुलढाणा
*शासकीय अध्यापक महाविद्यालयाच्या विद्यार्थीनींनी, पोलीस अधीक्षका निलेश तांबे यांना राखी बांधून साजरा केला रक्षाबंधन सण…*
शासकिय अध्यापक महाविद्यालय बुलढाणा (बी.एड.) येथील विद्यार्थीनींनी रक्षाबंधन सणाचे औचीत्यसाधून, पोलीस अधीक्षक कार्यालय बुलढाणा येथे भेट देऊन, पोलीस अधीक्षक निलेश तांबे यांना राखी बांधून रक्षाबंधन सण साजरा केला.
यावेळी निलेश तांबे, पोलीस अधीक्षक बुलढाणा यांनी उपस्थितीत विद्यार्थीनी तथा भावी शिक्षीका यांचे सोबत सुसंवाद साधून, त्यांना बुलढाणा जिल्हा पोलीस दलाकडून राबविण्यात येत असलेल्या विवीध लोकोपयोगी, महिला सुरक्षा संबंधीत उपक्रमाची माहिती दिली. सध्या तक्रार नोंदविण्याठी पर्याय उपलब्ध असून त्यामध्ये पो.स्टे.ला येऊन तक्रार देणे, ऑनलाईन तक्रार नोंदविणे याच बरोबर हेल्पलाईनवर संपर्क साधून तक्रार नोंदविणे ई. बाबत मार्गदर्शन केले. या प्रसंगी, 1) नागरीकांसाठी डायल-112, 2) महिलांसाठी- दामिनी पथक, भरोसा सेल, पोलीसकाका-पोलीस दिदी, अमानवीय वाहतूक प्रतिबंधक कक्ष, महिला व बाल अत्याचार प्रतिबंध कक्ष, शालेय तक्रार पेटी, 3) युवकांसाठी-अंमली पदार्थ सेवन प्रतिबंध मोहिम अशा मोहिमा व उपक्रम जिल्हा पोलीस दलाकडून राबविण्यात येत असल्याची माहिती दिली.
या रक्षाबंधन सण सोहळ्याचे वेळी पोनि. सुनिल अंबूलकर प्रभारी अधिकारी स्था.गु.शा. बुलढाणा, प्रा.डॉ. एस.आर. खडसे-शासकिय अध्यापक महाविद्यालय बुलढाणा, सपोनि. डी.डी. ढोमणे वाचक पो.अ. बुलढाणा, पोहेकॉ. मनिषा जाधव, पोकॉ. आनंद शिंदे, पोकॉ. अमोल अंभोरे-पोलीस अधीक्षक कार्यालय बुलढाणा, शासकिय अध्यापक महाविद्यालयाच्या विद्यार्थीनी कविता मोहिते, भक्ती पवार, अंजली पांडे, साक्षी निर्मळ, योगेश्वर तांभारे, ऋतुजा चव्हाण, नूतन शिंगणे, वैष्णवी डुकरे, आकांशा वाघमारे, वैष्णवी पारस्कर, श्रृती चऱ्हाटे, स्नेहल मिरगे, चंचल सित्रे, शिवगंगा सोळंके आणि कार्यालयीन स्टाफ हर्षवर्धन इंगळे शासकिय अध्यापक महाविद्यालय, बुलढाणा असे उपस्थित होते.