📰स्व. मयुरी ठोसर प्रकरणी बुलढाण्यात भव्य आक्रोश मोर्चा — दोषींवर कठोर कारवाई व्हावी याकरिता समाज बांधवांची ठाम भूमिका, युवानेते मृत्युंजय गायकवाड यांची उपस्थिती 📰

1. 📰स्व. मयुरी ठोसर प्रकरणी बुलढाण्यात भव्य आक्रोश मोर्चा — दोषींवर कठोर कारवाई व्हावी याकरिता समाज बांधवांची ठाम भूमिका, युवानेते मृत्युंजय गायकवाड यांची उपस्थिती 📰

बुलढाणा (प्रतिनिधी)
जळगाव खान्देश येथील सुंदर मोती नगर येथे दिनांक १० सप्टेंबर २०२५ रोजी घडलेल्या अत्यंत दुःखद घटनेचा बुलढाणा शहरात समाजबांधवांनी भव्य मोर्चा काढून तीव्र निषेध व्यक्त केला…!

या घटनेत २३ वर्षीय उच्चशिक्षित नवविवाहित मयुरी गौरव ठोसर हिने सासरच्या मंडळींकडून होणारा अमानुष जाच व छळ सहन न होऊन आत्महत्या केली. लग्नानंतर अवघ्या चार महिन्यांत घडलेली ही निर्दयी घटना समाजासाठी लाजिरवाणी असल्याचे उपस्थित समाजबांधवांनी ठामपणे नमूद केले. “ही आत्महत्या नसून सासरच्यांनी घडवून आणलेली हत्या आहे” अशी स्पष्ट भूमिका त्यांनी मांडली…!

या आक्रोश मोर्चाला बुलढाणा विधानसभा मतदारसंघाचे आमदार धर्मवीर श्री संजुभाऊ गायकवाड यांचे सुपुत्र तथा महाराष्ट्र राज्य युवासेना कार्यकारिणी सदस्य युवानेते मृत्युंजय संजय गायकवाड उपस्थित राहून समाजबांधवांना धीर दिला. त्यांनी या घटनेचा निषेध करत पीडितेला न्याय मिळवून देण्यासाठी स्वतः प्रयत्नशील राहणार असल्याचे आश्वासन दिले….!

मोर्चा संपल्यानंतर जिल्हाधिकारी कार्यालयात निवेदन देण्यात आले. यामध्ये सासरच्या सर्व मंडळींवर, पतीसह, जलदगती न्यायालयात खटला चालवून कठोर कारवाई व्हावी अशी मागणी एकमुखाने करण्यात आली.

दरम्यान, बुलढाणा विधानसभा मतदारसंघाचे लोकप्रिय आमदार व शिवसेना जिल्हा संपर्क प्रमुख धर्मवीर श्री संजुभाऊ गायकवाड यांनी या अगोदर विविध सोशल मीडियाच्या माध्यमातून या घटनेवर आपली ठाम भूमिका मांडलेली आहे. त्यांनी स्पष्ट शब्दांत म्हटले होते की,

> “दोषींवर कडक कारवाई व्हावी यासाठी मी स्वतः प्रयत्नशील आहे. माता-भगिनींच्या रक्षणाकरिता मी सदैव प्रत्येक समाजबांधवांसोबत खंबीरपणे उभा राहीन.”

आक्रोश मोर्चा दरम्यान युवानेते मृत्युंजय संजय गायकवाड यांनी जिल्हाधिकाऱ्यांशी थेट चर्चा करत ठाम भूमिका मांडली की,

> “मयुरी ठोसर हिच्या आत्महत्येला जबाबदार असलेल्या दोषींना कठोर शिक्षा होईपर्यंत समाज स्वस्थ बसणार नाही. हा लढा पीडितेला न्याय मिळवून देण्यासाठी तसेच अशा अमानुष घटना पुन्हा होऊ नयेत यासाठी आहे.”

मोर्चामध्ये महिलांसह असंख्य समाजबांधवांचा उत्स्फूर्त सहभाग होता. न्याय मिळेपर्यंत संघर्ष सुरू ठेवण्याचा निर्धार सर्वांनी व्यक्त केला.