बुलढाणा फ्लॅश.
*बुलढाणा अर्बनच्या वतीने गिरडा घाटात ५ किमी मॅरेथॉन उत्साहात संपन्न…*
*७५० स्पर्धकांचा दमदार सहभाग…*
अँकर
बुलढाणा अर्बन यांच्या वतीने आयोजित ५ किलोमीटर मॅरेथॉन स्पर्धा आज गिरडा घाट परिसरात मोठ्या उत्साहात पार पडली. या मॅरेथॉनमध्ये तब्बल ७५० स्पर्धकांनी सहभाग नोंदवत फिटनेस, आरोग्य व सामाजिक जाणीवेचा संदेश दिला. सकाळी लवकरच मॅरेथॉनला सुरुवात झाली. निसर्गरम्य वातावरण, थंड हवामान आणि उत्साही वातावरणामुळे स्पर्धकांमध्ये विशेष जोश पाहायला मिळाला.
तरुण-तरुणींनी मोठ्या संख्येने सहभाग घेत आपली शारीरिक क्षमता, चिकाटी व शिस्त दाखवून दिली. या उपक्रमाचा मुख्य उद्देश आरोग्याबाबत जनजागृती करणे, नियमित व्यायामाची सवय लावणे आणि युवकांना सकारात्मक दिशेने प्रेरित करणे हा होता. स्पर्धेदरम्यान स्वयंसेवक, वैद्यकीय पथक व पोलीस प्रशासनाने चोख बंदोबस्त ठेवत कार्यक्रम यशस्वी केला. मॅरेथॉन पूर्ण करणाऱ्या स्पर्धकांचे आयोजकांच्या वतीने अभिनंदन करण्यात आले.
यशस्वी आयोजनाबद्दल सहभागी स्पर्धकांनीही समाधान व्यक्त करत अशा उपक्रमांचे नियमित आयोजन व्हावे, अशी अपेक्षा व्यक्त केली.
एकूणच, बुलढाणा अर्बनच्या या ५ किमी मॅरेथॉनने शहरात आरोग्य, फिटनेस आणि उत्साहाची लाट निर्माण केली असून युवकांसाठी हा उपक्रम प्रेरणादायी ठरला…..