*26 मेपासून अकोला येथे जी.डी.सी.अँड ए व सी.एच.एम. परीक्षा*
बुलढाणा
महाराष्ट्र शासनाच्या सहकार, पणन व वस्त्रोद्योग विभागामार्फत आयोजित करण्यात आलेल्या गव्हर्नमेंट डिप्लोमा इन को-ऑपरेशन अँड अकाऊंटन्सी (जी.डी.सी. अँड ए.) तसेच सहकारी गृहनिर्माण व्यवस्थापन प्रमाणपत्र (सी.एच.एम.) परीक्षा मे-२०२६ संदर्भातील अधिसूचना प्रसिद्ध करण्यात आली आहे.
या परीक्षेसाठी अकोला, वाशिम व बुलढाणा जिल्ह्यातील एकूण १९१ परीक्षार्थी सहभागी होणार आहेत. सदर परीक्षा दि. २६, २७ व २८ मे २०२६ रोजी जिल्हा उपनिबंधक, सहकारी संस्था, अकोला यांच्या मार्फत घेण्यात येणार आहे.
जी.डी.सी. अँड ए. व सी.एच.एम. परीक्षा २०२६ साठी अकोला-२३ या परीक्षा केंद्राचा पत्ता खंडेलवाल ज्ञानमंदिर स्कूल, श्री इंदिरादेवी मोहनलाल खंडेलवाल मेमोरियल हायस्कूल, विजय मिडलक्लास हाऊसिंग सोसायटी, गोरक्षण रोड, अकोला असा आहे. परीक्षेची वेळ सकाळी १० ते दुपारी १ वाजेपर्यंत तसेच दुपारी २ ते सायंकाळी ५ वाजेपर्यंत राहणार आहे.
ज्या परीक्षार्थ्यांना तांत्रिक अडचणीमुळे प्रवेशपत्र डाउनलोड करता आलेले नाही, त्यांनी परीक्षेच्या निर्धारित वेळेपूर्वी किमान एक तास अगोदर परीक्षा केंद्रावर उपस्थित राहावे. मुख्यालयाकडून प्राप्त उपस्थिती पत्रक व परीक्षार्थ्यांच्या छायाचित्र असलेल्या ओळखपत्राच्या पडताळणीनंतर त्यांना परीक्षा केंद्रात प्रवेश देण्यात येणार असल्याचे प्रशासनाने कळविले आहे. तरी सर्व परीक्षार्थ्यांनी याची नोंद घ्यावी, असे आवाहन जिल्हा उपनिबंधक जी.पी. साबळे यांनी केले आहे.