बुलढाणा
*मराठी पत्रकार परिषदेच्या राज्य उपाध्यक्षपदी चंद्रकांत बर्डे यांची निवड..*
मराठी पत्रकार परिषदेच्या प्रदेश उपाध्यक्ष पदाच्या नियुक्ता नुकत्याच परिषदेचे मुख्य विश्वस्त श्री. एस. एम. देशमुख साहेब, श्री. विश्वस्त किरण नाईक साहेब, श्री. विश्वस्त शरद पाबळे साहेब, प्रदेश अध्यक्ष श्री. मिलिंद अष्टीकर साहेब यांनी जाहीर केल्या असुन प्रदेश उपाध्यक्षपदी बुलढाण्याचे चंद्रकांत बर्दे यांची नियुक्ती करण्यात आली. हा मान बुलडाणा जिल्ह्याला दुसऱ्यांदा मिळाला असुन यापुर्वी दैनिक देशोन्नतीचे जिल्हा प्रतिनिधी श्री. राजेंद्र काळे हे होवुन गेले आहे.
मराठी पत्रकार परिषदेच्या राज्य उपाध्यक्ष पदाच्या नियुक्ती जाहीर करण्यात आल्या असून राज्याच्या उपाध्यक्ष पदावर श्री. चंद्रकांत बर्दे यांची नियुक्ती जाहीर झाली आहे. त्यांच्याकडे पश्चिम विदर्भाचा पदभार राहणार आहे. चंद्रकांत बर्दे हे गेल्या ३० वर्षापासून मराठी पत्रकार परिषदेशी एकनिष्ठ राहले आहे त्यांच्याकडे यापूर्वी बुलढाणा जिल्हा पत्रकार संघाच्या सरचिटणीस, कार्याध्यक्ष आणि सध्या ते जिल्हा पत्रकार संघाचे अध्यक्ष म्हणून काम पाहत आहे. त्यांची नियुक्ती जाहीर झाल्यानंतर जिल्हा पत्रकार भवन परिसरात फटाके फोडून पेढे वाटुन त्यांचे अभिनंदन करण्यात आले. यावेळी पत्रकार राजेंद्र काळे, रणजित राजपूत, संजय मोहिते, प्रा. सुभाष लहाने, राजेश डिडोळकर, भानुदास लकडे, सचिन लहाने, संदिप वानखडे, रहेमत अली, शौकत शहा, शेख आसीफ, राहुल रिंढे, किशोर खंडारे, जितेंद्र कायस्थ, संदीप वंत्रोले, विनोद सावळे यांच्यासह अनेक पत्रकारांनी त्यांचे अभिनंदन केले.
83 वर्ष इतिहास असलेल्या मराठी पत्रकार परिषदेची त्यांच्याकडे ही मोठी जबाबदारी आल्यानंतर त्यांनी मराठी पत्रकार परिषदेचे मुख्य विश्वस्त श्री एस एम देशमुख साहेब, विश्वस्त किरण नाईक साहेब, विश्वस्त शरदजी पाबळे साहेब, मराठी पत्रकार परिषदेचे अध्यक्ष मिलिंद अष्टीकर यांचे आभार व्यक्त केले.